داعش زیانى 375 ملیار دینارى له‌ كه‌رتى كشتوكاڵی و سامانى ئاژه‌ڵی پارێزگاى ئه‌نبار داوه‌

لیژنه‌ى كشتوكاڵ له‌ ئه‌نجوومه‌نى پارێزگاى ئه‌نبار رایگه‌یاند كه‌ له‌وه‌ته‌ى داعش كۆنترۆَلى زۆربه‌ى پارێزگای ئه‌نبارى كردووه‌ زیانى 375 ملیار دینارى له‌ كه‌رتى كشتوكاڵی و سامانى ئاژه‌ڵی داوه‌ . 

فه‌رحان محه‌مه‌د سه‌رۆكى لیژنه‌ى كشتوكاڵ له‌ ئه‌نجوومه‌نى پارێزگاى ئه‌نبار رایگه‌یاند ئه‌و زیانه‌ى به‌ر كه‌رتى كشتوكاڵی و سامانى ئاژه‌ڵی و ماسی و به‌روبوومه‌ ستراتیژیه‌كانى پارێزگاى ئه‌نبار كه‌وتووه‌ گه‌یشتۆته‌ 375 ملیار دینار له‌ماوه‌ى یه‌ك ساڵى رووداوه‌كان و رووبه‌رووبونه‌وه‌كان دژ به‌ رێكخراوى تیرۆرستى داعش گووتیشى ده‌یان دۆنم زه‌وه‌ى له‌ناوچوونه‌ به‌هۆى رۆیشتنى جووتیاره‌كان له‌و پارێزگایه‌ و نه‌بوونى ئاوی پاك و له‌گه‌ڵ له‌ناوچوونى ده‌یان جۆگه‌ى ئاودێرى و حه‌وزى ماسی .