خۆت فێری تەكەتول بكە

 خۆت فێری ئەڵمانی بكە      بۆ ئەوەی بتوانی فەلسەفە بەباشی تێبگەی.
– خۆت فێری سایەقی بكە      تا بتوانی دوای دەوام تەكسی بگێڕیت.
– خۆت فێری ئینگلیزی بكە      بۆ ئەوەی بتوانی فۆڕمی نەتەوە یەكگرتووەكان
پڕ بكەیتەوە.
– خۆت فێری‌ تەحەمول بكە    با هەموو شەوێك تەلەفزیۆنێك نەشكێنیت.
– خۆت فێری توركی بكە     نەوەكا شەو درەنگ (سپیلكان) تەلەفونت بۆ بكات.
– خۆت فێری عەرەبی بكە      چونكە لەوانەیە بكەویتە دەست داعش.
– خۆت فێری جنێو بكە        با دڵت نەتەقێ.
– خۆت فێری كوردی بكە       خۆ تۆ موزیع نیت.
– خۆت فێری چەپڵە بكە       نەوەكا بتبەن بۆ كۆبوونەوەی فراوان.
– خۆت فێری ماستاو بكە       چونكە ماڵ‌و مناڵت هەیە.
– خۆت فێری نێرگەلە بكە      با نەڵێن دواكەوتویت.
– خۆت فێری وەعدی درۆ بكە   بۆ ئەوەی ببیت بەپەرلەمانتار.
– خۆت فێری تەكەتول بكە     با موستەقبەلت نەفەوتێ.